انقر هنا لبدء الإنشاء ... النيل مجاش
فكرك ها ييجي يوم نقول
النيل مجاش؟
يسأل حفيدي الليل اللي كاتم
يسأل البوم والغراب وتلال خراب
هو جدي قبل ما بيموت قالي
نيه الاحباش قالي إنهم اوباش
وإني ها اصحى في يوم اسال
هو النيل ما جاش؟
طب ازاي
جدي قالي إنه شجاع مهاب
وكل من تحداه أصبح تحت التراب
هو جدي كان كذاب ولا كان عراب
ولا كان بياع كلام عازف رباب
طب ازاي
والتاريخ كاتب عريضة نفي
والجغرافيا مزهوله
تضرب كف على كف
ازاي جدي العاقل دماغه لف
طب إزاي
جدي يفرط في مايته وارضه
وهو مفهمني إن دا عرضه
هو جدي كان كذاب ولا كان امي
لا يفهم سياسه ولا فتح فيها كتاب
طب إزاي
انا هنت على جدي إزاي
هان عليه الطين وشيلني طين
وقالي اشرب طين
وإن يوم هفك للوضوء حنين
نزل لك في الليل دمعتين
وقول مش مسامح يا جدي
ازاي اسمع في يوم إنك جبان
وخليت حفيدك يموت عطشان
لبست طرحه واستخبيت في الميدان
لا ضربت طلقه عتاب ولا شفت طيران
خساره يا جدي اقول جدي
وخساره اقول مصري
واخدين الخساره حصري
ومورثين الجبن والعار سايبين دمار
وتار عند الاحباش ونار وسور
سجن مالوش قرار
قرار مين ومين يقول ضاع القرار
والعطش للحر عار عيبة وشنار
فين يا جدي نروح وكل الجروح
في لحظه إتفتحت في النفس نار
النيل مجاش
ومحبس المايه مقفول ومين يفتحه
مين يأدب الأحباش
مين يقف ويقول انا المصري
عطلان الطلق لسه ما جاش
بعد ضياع النيل مافيش راجل في مصر
كل الرجال في بر مصر اوباش
النيل ما جاش
ناصر توفيق
ليست هناك تعليقات:
إرسال تعليق