،،أنتهينه كافي أگلك
وبعد ماظل شي أخسره
وجه واحد،،،ياحبيبي
روح،، شوف المنظرة
والطريق الي مشيته وياك
بيه أعوجاج ،،، ماتفيده المسطره
إنتهينه،،،كافي أگلك
روح من عندي ،،،،ودوّرلك حبيب
ومثل ماگال المثل قسمة ونصيب
أنته وين،،،وآنه وين
شگد فرق بين الأثنين
كافي أكلك ،،والعشگ مو قشمره
آنه دللتك دلال
مثل تدليل الجهال
وجنت أحبك حب كبير
وجنت أجهل هالمصير
تالي تتركني بهمومي
وصار يومك غير يومي
أنته فرحان بحياتك
وكل حياتي مشاجره
كافي أكلك،،،رايد أنهي المسخره
عيشتني بضيم واحزان وندم
وارسمتلي ضحكه بوجوه الشماته
الجانت تگلي ،،،نعم
وهسه عايش بالخديعه وبالوهم
ارد أكلك شنهو ذنبي ياتَره
كافي أكلك،،،العشك مو قشمره
قاسم أبو رؤى الدوسري
ليست هناك تعليقات:
إرسال تعليق