'يابن الايه
يابن الاى يا عفريت
يا شطان - بتصورنى
طب مسألتش نفسك
ايه اللى مغيرنى
طب م لمحتش طيبه ف عينى
طب مقرتشى سطور فى جبينى
أنا و سنينى و حلم كسرنى
شفت الصوره كويس يعنى
شفت علا مة ايد على خدَى
شفت سواد و مزوَق عينى
تحت جفونى و رمشى مندَى
من التفكير - من قلَة نومى
و سهر الليل - من كتر الهم
و حرق الدم و قولة مم و هد الحيل
دنا م الغلب بكللم نفسى
و همسى معللم على كراستى
و قلمى الحر اللى بيسمعنى
وحرفى يعبَر ع اللى وجعنى
وبدعى يارب يفك الديقه
دى الآيام و الدنيا خنيقه
واهو م الخنقه بفضفض برده
أعمل ايه دنا قلبى حريقه
بقلمى \ محمد العربى'
ليست هناك تعليقات:
إرسال تعليق