اعظم عيدية
عيدت ع الجدع قبل الصبية
وكنت يابطل اعظم عيدية
حلفت لتصون الوطن
و قدمت روحك فى العيد هدية
لجل الرجوله تصرخ جوه صدرك
هموت بطل رغم اللي فيا
كم. طلقة نفدت فى الجسد
وقولت اقاوم بالبقية
وكانت الباقية كم نفس
طاهر عطروا الارض الابيه
اللي شالت فوقها راجل
حلف يشيل المسؤلية
وكتبت فوق الارض اسمك
مش بحبرك لأبدمك دي العيدية
صرخت الام وزعقت
ابني ياروحي يا نور عنية
كنت حسابك وانت بتقول الوصية
و قومت مفزوعة وصدري
ضاق حرك الام اللي فيا
كنت حاسه بأول طلقة فيك
قولت يمكن ارتاح شويه
زادت الدقات فى قلبي
وكأن الطلقة جيا فيه
روحت صارخة من الالم
صدري ضاق ايه القضية
وجه الخبر ابني مات
روحت باكية والدموع دبحت عنيه
وروحت صارخة باعلى صوتي
لأ ما ماتش هو مزفوف ع الحورية
هو دافع مهره روحه
وعشان اليوم ده عيد راح يودلها العيديه
بقلمى فهمى محمود حجازى
ليست هناك تعليقات:
إرسال تعليق