يا تاجر الاحلام
==========
شوف لي حلم يكون تمام
مرسوم على ورق الريحان
ياخدني في عالم الاوهام
بس دقايق وقت ما انام
عند كتير اماني نفسي تتحقق
وجيت اشتري ومش راح ادقق
كل اللي تجود به رضيا به
مش هأنقي وأفاصل وأمشي وأسيبه
هات لي حلم لونه يكون وردي
مرسوم بريشة فنان مش فيه لون الاحزان
ريشتك من خشب الزان وحبرها من دمي
أصل الحلم ليا حياة منقوش على ورق البردي
بس هاتلي حلم عُموله أوام
اعيش معاه في دنيا الخيال
واحقق امنيه اصل الواقع مُحال
تلاقي قلب صافي يعاملك باخلاص
اصل المحبة تاهت بين الناس
القلب الطيب دائما مهموم
تلاقيهم على طول يجيبوا عليه اللوم
كل المقاسي تحط على المظلوم
هي الدنيا طبعها كده غروره
زي طباع الناس الغداره
يبعوا الغالي برخص التراب
ويشتروا الرخيص بالغالي
سلام على اللي اشترى الدنيا بخساره
يوم تضحكلك ويوم قاسيه و جباره
تقسم وسط اللي غواها
وصدقها وراح ماشي وراها
زي اللي ادمن دخان السجاره
#بقلم_حنان_محمدعبدالعزيز
ليست هناك تعليقات:
إرسال تعليق