وش تبين !
أهدي من شعاع الشمس اسوارة ومـن القمر حِلّه
وش تبين !
أخطــف من النجمات كــم نجمة وحطها بسلّه
وش تبين
أدز مرسال لسهيـل اليماني واقـول بحتلّـه
خلَيني كِذا
ما اقدر اقول من الغلا اكثر
اخـــاف مــن البشـــر يصـير بعقلها خلّـه
خليني كذا
ما اقدر اقول من الغلا اكثر
اخاف النفـس تقويني وخاف ارتكـب زلّـه
خليني كذا
ما اقدر اقول من الغلا اكثر
اخاف من الله اعبدك وخاف اترك المِلّــه
حبيبتي
عطيني على قـدر الوفـا بــوسة جبيـن
وش تبين
أعطيـك من حضن الحنان الدفا جلّـه
حبيبتي
تعالي نشعل من الليل سراج العاشقين
وش تبين
تعالي نخفـى الدمعـة ونزرع للعشق فله
حبيبتي
لا يطـول الهجــر انا من بعدك سجين
وانـتي قاضي وانا راضي والامـر للّـه
حبيبتي هذا انا
راس مــالي بساطي والفقـر وهذي الدلّه
ابو عزيز
------
ليست هناك تعليقات:
إرسال تعليق