(يا حلوه ليه تتأخري)
الليل أسدل لي الستار
ناعسات عيونو إتشهقن..
.ياحلوه ليه تتأخري
عارفه المواعيد والزمن.
.سايباني والليل الطويل
لمن نجومو إتفرقن..
ساعات أقول يمكن
تجي وساعات أصدق كل ظن
اصلو البحب ساهر دوام
ما أظن عويناتو إشتكن..
صابر بيحسب في النجوم
طال ليلو والدمعات جرن.
ياحبه طال بيهم فراق
ما الليل جن
.سامرنا والليل الطويل
غابت عيونو وما إتلقن..
والقمره غابت في السحاب
حزنانه طال بيها الشجن.
.حتي النسيم لمن يمر
نيران نسايمو يحرقن.
ياحلوه مليت إنتظار
أصلو الصباح قرب يحن.
وفجأه شفتك من بعيد
ذي الظلام فيهو اللجن
وكان في حاطري أقول سؤال
ياحلوه ليه تتأخري؟
# محمد.الشاش#
ليست هناك تعليقات:
إرسال تعليق