توت توت
قطر الغلابة بيموت
فلوسنا فين
في بطن الحوت
توت توت
امتى الاهمال داتوت يموت
والمسؤول يا خد نابوت
كل يوم يجيبوا لنا تابوت
*****************
توت توت
علقة ومش عايزه تفوت
والشعب عشق السكوت
فين فلوسنا
في القصور
والاهمال امتى يغور
امتى يدخل الجحور
*************
توت توت
صفر تاني يا قطر الموت
فين فلوسنا
في الفساد
والطوفان اخد العباد
مات الجد مع الاحفاد
كل يوم عاملين حداد
*************
توت توت
بنموت في سينا
والقطر بيدوس علينا
والكنايس والكماين والمداين
عمالين يحصدوا فينا
بنموت احنا واهالينا
كأن الحياه خساره فينا
****************
توت توت
بس يا واد انت هلفوت
اوعي تجيب سيرة الكبار
كده تهدد الاستقرار
يلا يا واله نعمل زار
وندعي تاني على الكفار
اهل الشر دول شطار
*****************
توت توت
فين فلوسنا
في الارهاب
ناس بتموت من الجوع
وناس تاكل كباب
بختنا بقى هباب
شوفوا حل يا احباب
***************
توت توت
فين العقل وفين المنطق
دخلوا القبر ولازم ننطق
الحق الحق
مصر فين
مصر بتغرق
ليست هناك تعليقات:
إرسال تعليق