مشهد مُخيف __ بقلم الشاعر / أحمد السيد القاضي

مشهد مُخيف
........
مشهد مُخيف
انك تلاقي أبنك عـ الرصيف
مشلاقي هدمه
ولا لاقي حتي حق الرغيف
مشهد سخيف
انك تلاقي عُــــوده ضعيف
جسمه نحيف
حلمـــــــه صُغير مش كبير
قلبه رهيف
اصـله فقير
قسوة كتير من غير تفــسير
وفارش م الرصيف حصير
حلمه ف هـدمــــــــه
ولقمه مــــن رغيف
اصـــله عفيف
وجــــريمـة اة
انه شـــــريف
الوضع مفجع
الم بيوجـــــع
عـلقم وجنظل
مشروب فـ كاس
وســــــط الذئاب
هـــــــو خـلاص
فين الضـــــــمير
ضـميرنا مــــات
مخنوق بحبل وصار فتات
اه يا سنين طافحـــة الانين
الم بيوجع م الذكــــــريات
مشهد سخيف
انك تلاقي طفــل عايــش
بين الوحوش
والعدل غاب
اهـات كتيرزي الجيوش
متسلحه بمــــــر السنين
وهموم بتطـرح كل يوم
واضحه يا ناس
علي الوشــوش
يارب حــــوش
مـــــــرالـسنين
هــــم مفطــوم
وعلي الجبين منقـوش
والطفل شاب
حتي المـــرؤة هربت
وراحت للسراب
ركبت نعـــــوش
وخلفت لينا العـــــذاب
من غير صـــــــــواب
واتغيرت فينا النفــوس
واتــزيفت كل الحقايق
ورا الوشوش
واتحكمت فينا الفلـــــوس
من غيرسبب يالا العـجب
وناس كتير مابيرحمــوش
كــــــــف الحياة غــــدار
بيحجب علينا الشـــ،ـوف
وبنمشي بالمندار
ونسينا المعروف
مشـــــهد مخيف
مشــــــهد عنيف
ياريت نعـــود لربنا
ياريت نعود لرشدنا
ماهو دول ولادنا ولـحمنا
فيهم سند نا وحلمنا
ياريت يعيشوا وســــــطنا
ماهو دول ولادنا ولـحمنا
صحح يا رب ف وضعنا
صحح يا رب ف وضعنا
......
بقلمي/ أحمد السيد القاضي