وحياتي عندك // بقلم الشاعر : منصور عمر اللوح غزة - فلسطين

وحياتي عندك
،،،،،،،،،

وحياتي عندك ، لو إنت لسَّة بتحبني

أنا مشتقالك ، والشُّوق رمَاني وهدّني

خليني جنبك ، وبعطف قلبك تلفّني

أنا محتجالك ، محتاجة حضن يضمني

في بعادك أنت لوَّعتني ، وللوصال بقى شوَّقتني

افتحلي قلبك ، ورِّيني حبك ، قرَّبلي أكتر ، ألاقيك يا روحي حضنتني
،،،

اشتاق أشوف بعنيَّ عنيك ، أشتاق تلامس إيدي إيديك

اشتاق لحضن يدفِّيني ، اشتاق لكلمة تهنّيني

اشتاق لك إنت يا نور عيني ، قلبي الحنون بينادي عليك

كان يوم هنايا ، كان يوم منايا ، لمّن ايديَّ تضمّ إيديك
،،،

قلبك ناداني بدقَّاته ، ردّيت بأعلى صوتي عليك

ليه إنت بتداري آهاته ، أنا اللي بعرف سِرّْ عنيك

إنت اللي ساكن جُوّايا ، وانت اللي عشت في قلبي سنين

وأنت اللي بتجيبلي منايا ، ومعاك بعيش العمر اتنين
،،،

بلاش تغيب وتشغلني ، وتسيبني اعد نجوم الليل

والليل سُهادُه بيتعبني ، ارحم عنيَّ وقلبي عليل

خليك معايا وبقربي ، اجمل حياتي أعيش وياك

ويطفِّي شهدك نار حبي ، خليني أنسى الدنيا معاك

خليك معايا ، واكسب رضايا ، سعدي وهنايا أنا ويَّاك
...............................

بقلمي الشاعر : منصور عمر اللوح

غزة - فلسطين