في قلبك/شعرالراق الأستاذالمبدع محمدلبيب مصيلحي

فى قلبك كلام وعقلك كلام
ولسانك بينطق غير الكلام
حلمـك كبير والواقع خطيـر
وحبك اللى كان عليه السلام
فى عيونك بلاقى شوق السنين
فيهم محبــة مشتاقة الحنيـن
وفى لحظة تنزل منك دموع
كأنك عايش معايا الآنيــــن
معايا بتشكى معاهم بتحكـى
ولكلمة غرامى بسرعه بتنسى
وأن عاتبتك أسمـع صراخك
كأنى غريـب بعاكس حبيبتى
فى قلبك كلام وعقلك كلام
ولسانك بينطق غير الكلام
حلمـك كبير والواقع خطيـر
وحبك اللى كان عليه السلام
أخاصمك أصالحك أسمع فى صوتك
أنسى الحكاية اللى سببهـا خــوفك
من غيرة وفراق ودموع البعــاد
فى لحظـة لمــا تنادى وأشــــوفك
يا معنى فى كلامى ياهمسة غرامى
يا لحظة باعيشهــا فى دمعة عذابى
بحبك أكيــــد بحلـــم أكيــــــد
لكن فراقك هايسجــل وفاتى
دمك ده دمى وملامحك ملامحى
بلاش كل ساعة تقولى أمشى
لآنك حياتى والحلم فى منامى
وكلمة فى كتابى غرامها فى قلبى
...................................
بقلم .... محمد لبيب مصيلحى