غنوة للاطفال
غنوة جميلة معاها حدوته
حلوه خفيفة ومش ملتوته
يلا يا سمسم تعالى اسمعها
كلماتها جميلة صغنتوطه
فيها نصايح حلوه كتير
تشغل مخك بالتفكير
لما تذاكر كل دروسك
والكل يصقفلك ويبوسك
تطلع متفوق وعظيم
والصبح تروح كدا مدرستك
والشنطة وكتبك على كتفك
في طابورك واقف ومصحصح
بتحيي علم مصر الغالي
وبتدخل يا جميل على فصلك
وتحصل بالعلم دراستك
وتخلص ترجع على اوضتك
تتغدى وتصلي فريضتك
وبخط جميل كدا ومنثق
تكتب اسمك على كراستك
علشان تكبر تبقى سفير
وتتفوق كدا تبقى وزير
او حتى في مستشفى طبيب
ولا مهندس زكي ونجيب
ترسم لنا مستقبل بلدك
وتخطط لنا مصر الخير
وبتاخد من الماضي العبرة
وتطوره كدا علم وخبرة
والارض تغمرها الخضرة
والقمح هيكتر ويزيد
كلمات / محروس الحناوي
ليست هناك تعليقات:
إرسال تعليق