==ثمن غاااااالي===
================
مشيت بسوق الدهب
ادور على دهب غالي
سألت وتأنيت وغلب حالي
قالولي الدهب رخص
بقى قشره مبقاش غالي
مشيت وانا تايهه
معرفش ئيه ياناس جرالي
ابكي والا اضحك من سؤالي
سئلت نفسي وكررت سؤالي
مشيت وانا بدندن موالي
معقوله الغالي يرخص
والرخيص بقى غالي
التبر صبح ملوش قيمه
والقشره بقت جوهر غالي
اه يازمن بتغيير النفوس
الرخيص يعلا ويفتخر
والغالي بين الحواري مداري
يادنيا يامغروره يامشقلبه حالي
راحت فين الطيبه والهيبه
وغيرتي النفوس بثواني
الومك يادنيا والا الوم الغوالي
والا انتي بريئه يادنيا
ومن همي بلومك وابرئ حالي
اه يادنيا حمشي واقول نفسي
يمكن يتصلح الحال في يوم ويرجع الغالي غالي
بقلم....انهار سلسبيل
ليست هناك تعليقات:
إرسال تعليق