حاسب بقلم الشاعرعارف البديوي

حاسب
حاسب يللي انت في بالي
حاسب وانت معدي قبالي
ماتحاولش تشغل بالي
ولا تشتت مني أفكاري
ممكن تسيبني بحالي
احذر انك تجرحني
اوتسرق مني قلبي
اوتحتل عقلي ووجداني
انا صعبة وحياة عنيك
اللي يقرب مني اكويه بناري
إن كنت عايز تتحداني
انا قابلة التحدي
إن كنت راجل تصمد قدامي
وان كنت شاطر توقعني بغرامك
وتخليني اخش افكارك
وأشغل قلبك ليلك ونهارك
انا حوا ياادم
ادوبك بنظرة عين
اسحرك بحلاوة الخدين
اجننك بضحكة الشفتين
احرق قلبك بخطوتين
اتمايل يمين وشمال
زي عود الرمان
واخليك تسلم سلاحك
وتعلن انهزامك واستسلامك
فكر يابن الناس
وانا مستنيا الجواب
مستعد تبارزني
او تعلن الانسحاب
       عارف البديوي