آه يازمن بقلم الشاعرة د.عبيرعقاد

بالعامية    اه يازمن خسارة
الدنية كبيرة
ملاينة اسرارا
الصبية حلوة
ومحتارة بجمالا
بس مالها حظ ياخسارة
الشب الحلو وزينة أهل الحارة
مسكين يلي  اختارها
لاحسب ولانسب
وعلى أهلو شافت حالا
بنت الأصل بين الناس مدعوسة
وطيبة القلب صارت جدبةومهوسة
وفوق هيك الكل بيقول
عل المظلومة
يا نيالا 
بكل عيلة في وحدة قوية وجبارة
عادت أيام  زمن
ستي الختيارة
دايرة من بيت لبيت
ماتركت  من شرها حدا بالحارة
بقصص الناس بتحكي
ياويل لي بيعلأ بلسانها شو ثرثارة
القوي عايش مبسوط
والضعيف بيتاكل حقو
ياحسرة على هالدنية
شو بدي احكي
ياخسارة ياخسارة
            عبير بشير عقاد