بائعة الورد
بابيع الورد وقلبي حزين
في لون الورد معاني كتير
الورده الحمرا الحب يشعلل نار القلب وفيه بيداوي
والورده الصفرا صفاء للحب نقائه يدوم
والورده البيضا سلام من قلبي لكل حبيب
ولاغلي عيون
بابيع الورد لكل الناس
فيه اللي يهادي حبيب مجروح
يخلي في لحظه الجرح يطيب
وفي اللي يهادي حبيب الروح
وياخده معاه منان مايروح
في ورده نشيلها جوه القلب
وورده تريح قلب حزين
وورده نشيلها لعيد الحب
وورده تخلي القلب يطير زي العصافير
بابيع الورد في دنيا ربيع
عطوره ذكيه نسماته عبير
في يوم ميلادي بيبقي بديع
الورد روايته بشوق وحنان
ضماته لقلبي وكلي غرام
في كل وقت وكل زمان
يحتاجله كل حبيب ولهان
يا اللي اشتريتوا الورد مني
خلوه يفرح خلوه يرقص
خلوه لكل الدنيا يغني
بقلم الشاعر الغنائي/عادل عبد المعز محمود ماضي (شاعر الجيل)
ليست هناك تعليقات:
إرسال تعليق