تذكار...
على غيابكم عربش القندول ع الوزال
وغَطى العشب يابس لَفلَف العِرزال
وصار الطير يتنهَد بِحرقة شوق و ورد
يبكي ع فِراق رِفاق صاروا صدى موال
وتلَفَتِتْ العيون ع حفافي الوقت تِدمَعْ
وإِنشَغلِت الأفكار بسهرات ساكنة بالبال
وإرتحلِت ظنوني مع شَقشَقة الفجر
وصَلى الزَمن صلاة الصُبح والصُبح طال
يا عُمر على مهلك تارِك وراك عِتاب
والحَنين ريح ناطِر ع هَمس الجبال
والصدر إن ضلعو إنكسر بفكر رِفاق
لرفاق راحوا وضَل طيفهم بالبال مِتل ظلال
سليم عيسى.
ليست هناك تعليقات:
إرسال تعليق