كل عيد
كنت في كل عيد بفضل وحيد
كانت عيديتي قسوة وحزن وتنهيد
يعايدني الألم بحسرة وندم
ما الاقيش حد يواسي ويمد الإيد
كنت اقفل بابي فاقد كل احبابي
ضاع مني شبابي خدتني الأوهام لبعيد
مع ان العيد فرحة فيه القلوب متسامحة
كانت أيامه صعبة عليا ما شفت منه يوم سعيد
لحد ما قابلتك نسيت يوم ما قابلتك
كل الماضي بنظرة منك حسيت في يومها طعم العيد
كانت ضحكتك تملاني أمل تلون أيامي بلون وإحساس جديد
بقيت دلوقتي غير زمان فاتح بابي لحياة بابها من حديد
غيرتيني بعد ما عرفتيني خليتيني حد تاني طامح بالمزيد
بعد ما كان اليأس قاتلني جيتي شلتي اليأس مني
بعد ما كانت عادية أيامي جيتي خليتي كل أيامي عيد
قلتلك دي آخر مرة هكتبلك بس كنت بكدب عليكي اكيد
انتي سطور الحب في كتابي ولاخر سطر هكتبلك م الوريد
في كل ذكرى جميلة بفتكرك في كل لحظة شوق بنتظرك
خلص العيد ولسه مخلصش عندي ما انتي معايا يعني العيد
خالدالمنصوري
ليست هناك تعليقات:
إرسال تعليق