يوم رحيلك بقلم الشاعر فهمي محمود حجازي

يوم رحيلك
يوم رحيلك قلبى مات بين الضلوع
ومشيت طريق الحزن وحدي طريق طويل مافهوش رجوع
كنت خايف من يوم رحيلك وبكيت بحرقه ماهمكيش حتى الدموع
كنت قدام البشر فارس وبين اديكي كنت صامت وف خضوع
كنت لما ب اشوف بكاكي يبكي قلبي بين الضلوع
وكأن قلبي فيه ليل غطيس  محتاج شموع
والشموع كانت شفايفك بسمة منها تقيد فى قلبي كل الربوع
روحت ماشيه وفايته قلبي بيلتمس منك رجوع
كان ساعتها قلبي فى حالة خشوع
وكان بينزف دم لماخلصت  مني الدموع
روحت ماشيه وانطفت بعد الرحيل اخر الشموع
بقلمى فهمى محمودحجازى