فى الغربة . بقلم شيماء حجازى
فى الغربة لينا حبايب كتير
من القلب والروح قريبين
والعين بكت عليهم سنين
عايشين على أمل إنهم لنا راجعين
ولحضنكم إشتاقنا لكم ياغاليين
ليه فاكرين إنها فيها ملايين
وهيا بتكبركم سنين وانتم لسه
مش حاسين
وفى بعدكم عنا زاد الحنين
ولودكم إحنا منكم محرومين
والعين دايما عليكم ياغاليين
يكفيكم شر العين والحاسدين
وإيه يعوض صبر السنين غير
قربكم والروح معاكم مش ناسين
ياغربة ماتاخديهم وبنا فكريهم
واوعى فى يوم تغيرهم وعلينا
تقسيهم
امانه ماتبهدليهم ولا تحزنيهم
وعلى شبابهم ما تندمهم ولحضننا
رجعيهم
ياغربة عرفيهم إن فى قلبى مكان لهم
وإن عمرى بيستنيهم
ياغربة ماتوجعيهم وبالأفراح بشريهم
وبالحبايب جمعيهم .
ياغربة ماتكسرهم ولا فى يوم تزليهم
ولا نشوف دمعة لهم
ياغربة إجبريهم وبعنينا شوفيهم
ومن الحب والحنان إسقيهم
ياغربة إطوى سنينهم ولياليهم
وبرجوعهم اوعديهم وبماضيهم
فكريهم
ياغربة ماتشيبهم من الهم ماتشيلهم
مش ناقصين قلق عليهم
ياغربة ضحكيهم ومن البسمة ماتحرميهم
وإحنا مشتاقين لهم
ياغربة ماتمرضيهم وبالصحة وتويجهم
ومن خيرك اكليهم وماتستخسرى حاجه
فيهم
ياغربة إحميهم وأمانه عليك
رجعيهم .
ياغربة ماتغدرى بهم وفيك تضيعيهم
ياغربة . ياغربة
ليست هناك تعليقات:
إرسال تعليق