أيوه حُبك إنت بس اللى شاغلنى
ومهما أخبى ييجى طيفك ويغازلنى
حاسة إنى سامعة صوتك جنب منى
يهمس كده لقلبى برقة ألقاه يطمننى
بزعل ساعات من مفيش ! وتحايلنى
قلبى حس بنبض قلبك بيلازمنى
عايشة معاك أجمل حكاية يا ساكننى
إوعى " حبيبى " ييجى يوم علينا
يضيع كل الحب الجميل ده من إيدينا
ياللى حبك كل حياتى يا حتة منى
نظرة عينيك تملى واخدة روحى منى
نفسى أشوفك وإيديك تحضن إيدى
يا فرح قلبى وهنايا إنت يوم عيدى
فى قربك خلاص لا باحلم ولا بتمنىَ !
وهاحلم ليه وإنت ف قربك نعيم الجنة
بقلم / فاطمة عقل
ليست هناك تعليقات:
إرسال تعليق