لغة الورد
---------
ارمينى فى حضن الورد
انا عاشق للورد وبستانه
واسمع من الورد الرد
هيحكيلك بلسانه
مش هيلاقى مثلى حد
يسقيه بحبه وحنانه
انا لوغبت يوم عن الورد
تاكد هيغير الوانه
الورد مش هيلاقى قلب
يكون للحب عنوانه
الا قلبى وعشقه بجد
هيكون له حصنه وأمانه
مش اى حد يعشق الورد
ياما ناس للورد هانوا
وياما الورد فضح ناس
منه على اصلهم بانوا
خلوا بستان الورد اتهد
وقطفوه من على اغصانه
لما اصبح طريقهم سد
وقفل قدامهم بيبانه
لامشاعر لارقه ولا ود
والحقد بلغ غليانه
الورد مش اى يد
تحس بهمسه ودفيانه
الورد احساسه يشد
الدم يجرى فى شريانه
اصلى الورد لغه السعد
وهمه للسعد خانوا
واللى للورد يجحد
مايلاقيش فى البستان مكانه
-------------------------
وحيد احمد
ليست هناك تعليقات:
إرسال تعليق