سارحة
سارحة والرب راعيني
سارحة وأفكاري مني سايحة
بفكرفيك ياحبيبي
ياترى انت فين يانصيبي
لسه فاكرني ولاناسيني
يامسهرني ومسهرافكاري معاك
ومخليني اعد نجوم الليل
والدقايق والساعات
واناجي طيفك يامجنني
بحاول اكتبلك بدمع العين
وحرقة قلبي عليك
لكن مش عارفة طريقك فين
انا مشتاقة ليك
وحياة عينيك
وحشني كلامك وحبك وغرامك
بشعر بلمسة ايديك
بحس بانفاسك على خدودي
بحلم بهمسك
بذكر خطوتك
بعشق غنوتك اللي كنت بتغنيهالي
حافظة كل كلمة كنت بتقولهالي
فين وعودك اللي وعدتهالي
بانك مش حاتسيبني
لاخرالدنيا دي
تعالالي قوام
دنا عندي كلام
عايزه اقولهولك
قلبي مولع نار
روحي فيها شرار
انا باستناك
تنرجع اللي كان
ونعيش بوئام
ونحيا بسلام
ونفرح عمرنا
ياغالي عليا ياضي عينيا
ياأغلى مني عليا
عارف البديوي
ليست هناك تعليقات:
إرسال تعليق