خدني الحنين
خدني الحنين اليكي
وشوق بعتني ليكي
يفكرني بزمن الصبا
وحاجات مفحوره ليكي
جوايا من كام سنة
يااغلى جده فينك
وحشاني الطبطبه
وحنين نظرة عنيكي
بتقولي خد هنا
يااغلى من الضنى
اجري واسلم عليكي
وف حضنك باترمى
وحشاني نظرت عنيكي
وحشاني الدندنة
واناقلبي وفكري ليكي
وانت بتحكي لنا
حكاوي كتير يوماتي
ع اللي عاش قبلنا
واتريني باسمع اليكي
وما اعرفس ان انا
فى يوم هحكي عليكي
وأقول كانت هنا
أجمل واغلى جده
وبقيتي ذكرى لنا
بقلمى فهمى محمود حجازى
ليست هناك تعليقات:
إرسال تعليق