‘‘ لو ‘‘ بقلم ‘‘ وائل مسلم ‘‘
لوكنت اعرف اني هحبك
مكنتش حبيتك
وده ليه
لان الحب بيخلي القلب نار
ولان الحب بيشغل الافكار
يبقي كان احسن اني مفكرش فيك
وابعد عنك
مكنتش فاكر اني هتعلق بيك
واني في يوم هترجاك
واني هتوسل اليك
يعني مفيش غيرك انت
ولا مفيش في جمال عينيك
اوعي تكون فاكر اني هبوس رجليك
او هتسحرني جمال خطوتك
او هبوس ايديك
ده اللي خلقك خلق غيرك
مع السلامه
عمري ما هفكر فيك
وبكره الايام هتنسيني وتنسيك
لو كنت اعرف اني هحبك
او هتعلق بيك
مكنتش ازعل عليك
رغم اني بناقض نفسي
اصالحك ولا اجافيك
لكن هسيبك للايام
هي اللي هتوريك
انه مفيش غيري
مخلص ليك
علشان كده بقولك
مع السلامه
ده اللي باعني ابيعه
وعمري ما ازعل عليه
يعني مع السلامه
مش حزين عليك
يعني مع السلامه
ارحل غير ماسوف عليك
بكره تعرف حقيقه المشاعر
وتبكي علي الحب اللي ضيعته من ايديك
ليست هناك تعليقات:
إرسال تعليق