أسعد الله مساؤكم بكل خير أحبتي أصدقائي
الى محبي الشعر الشعبي (بقلمي)
إسمع
إسمع ونين الكلب
حِسٍه شكُثر تعبان
صدّك سبب فركتك
مشتعلة بي نيران
بسكوت كُمت أحترك
بس بيّن الدخان
كل عمري إلك أنتظر
وبوكتي بس حيران
أحسب ثواني تِمر
لحد الصبح سهران
من ماتِرِدْ علمسِج
من كلشي أظَل زعلان
ويغيب عني الفرح
وتجَلْجِل الأحزان
ومن تجفي عني وتصِد
تتزَلزَل الأركان
وما بيه أجر خطوتي
وأتوجه عالحيطان
كالولي عنك جَبِح
والعاشَرَك خسران
ياصاح ما صدَّكِت
كِلْت الحِجَة بطران
شو ما دروا طبع إلي
مُخلِص بكل وجدان
منذور أصيرن جمر
بس تدفَة لو بردان
حسَبِتْ بيك الوفه
وكل ظني أنا الكسبان
شو بعد ما أطبكَت
لن وحدي بالميدان !!!
ليست هناك تعليقات:
إرسال تعليق