:::::::::::لمه مصريه:::::::::::::
وبيصلح طبق دشه
وطير رفرف وبيهشه
ونادى الصبح وشروقه
صباح وردي على زوقه
ورش ورشرش الميه
ورص كراسي ف القهوه
شوية شاي ف خمسينه
وبالى الصافي صفيته
صباح الفل يا حاره
وفول جرجير مع الصلطه
وضحكة مرعي دواره
بتقلب كركره وظيطه
ودق حديدُه ع السندال
عويس الورشه مرزوقه
وهاني يجري ع الدكان
يسلك قطه مزنوقه
ويسقيها من القله
فرد والبخه طالعه ميزان
ومكوى الكسره مظبوطه
وناس هاله وبتزغرد
وبتبارك ف صبحيه
وجارنا الغالي يتمخطر
بعمه وشال وجلابيه
ارتاحي اطمني ياما
اسود منا ع الجبهه
لا يمكن يوم هتخذلنا
يكملنا سلام صحبه
و ضحكة قلب مصريه
بقلم مصطفي احمد
ليست هناك تعليقات:
إرسال تعليق