بتبكى ليه
_______________
لسه فاكرتيجى تبكى
يعنى جاى لى .. بتعتذر
بعد إيه .. ياللى قلبك
كان أشد من الحجر
انا مش راح اضعف تانى
أو حتى اسامحك
لا .. موش هانكسر
قلبى اللى كان بيحبك
وكان قصادك منكسر
صبح الصباح ..
اصبح خلاص
فوق المواجع .. منتصر
كنا زمان انت وانا..
قلبين بسهم وموصولين
انت وانا .. روحين
كان.. بيجمعنا حنين
انا اشتريتك وانت ليه
بعتنى برخص التراب
على العموم .. مالوش لزوم
ما عادش هيفيد العتاب
وكل شئ كان لى ف هواك
خساره ضاع ..زى السراب
ايه فايده الحب
لمّا قلب محسهوش
يعنى ايه معنى الوفا
لقلب خاين ما يعرفوش
انت حكايتك ايه !!
عشان ترجعلى تانى
وقلبى ضايع مش لاقيه
واللى بنا ضاع بايدك
لما يوم فرطت فيه
يبقى جى بتبكى ليه
____________________
للشاعر قطب صلاح رمضان الشريف
ليست هناك تعليقات:
إرسال تعليق