أنت نويت الحب ياقلبي ؟
يلا أتحمل سيل أشواق.
و أنسي تنام الليل متهني
أصل النوم لخٌلي البال!
سهرُه طويل. ليل العشاق
لو مش قادر أبعد أحسن
منتاش قد حنينه ياقلبي
خايفة عليك جرح الأحباب
سامعة دفاعك عنه بقوة
نبضك غالي وكله غرام
هو صحيح يستاهل حبك
بس الدنيا بتغدر دايما
وأنت رقيق وبسيط الحال
خليك حاذر من قلباتها
و أوعه تصدق يوم ضحكاتها
يكفيك شر خداعها ياقلبي
وأبعد عنها وعن قلباتها
تصبح راضي وعال العال
عارفة بأنك مش ح تصدق
نبضك عالي وعنده واخدني
طب إستنا. أنا عندي سؤال
و إلا أأقولك روح و أتهني
قول لحبيبي ح أحبك أكتر
أصل بعادي محال ف محال
((بقلمي/صفاء مصطفي الخواجة ))
ليست هناك تعليقات:
إرسال تعليق