متجرحنيش بقلم الشاعرة صفاءالخواجة

((ماتجرحنيش ))
ماتجرحنيش وأنا جنبك
وتسرح دوم
ماتقلقنيش علي نفسي
علي فرحة في جوه الروح
بتستني علي إيدك
تفارق لوم
أنا عازمة أغير لك
أنينك دوح
ولا مرة ح تلقاني
كتيرة النوح
و صدق إني علشانك
وُلدت اليوم
حياتي قبل ما أشوفك
عذاب وجروح
ودمعة جوه في عيوني
كانت ساكنة .وقليلة البوح
ماتجرحنيش و طمني
لقيتني جوه إحساسك ؟
وساكنة جوه أنفاسك ؟
حبيبة وإلا وخداني
وبعداني الحياة عنك
منين ما تروح ؟
ما تجرحنيش وطمني
وجاوبني. وعلمني
بأن الدنيا دي مازالت
بخيرها. وناوية تفْرحني
وليا. جوه أيامها
سعادة ف يوم!!
((بقلمي/صفاء مصطفي الخواجة ))